ଗଞ୍ଜାମରେ ମର୍ମନ୍ତୁଦ ଦୁର୍ଘଟଣା; ୧ ମୃତ, ୧୦ ଆହତ

ଧରାକୋଟ: ଶୁକ୍ରବାର ବିଳମ୍ବିତ ରାତିରେ ଗଞ୍ଜାମ ଜିଲ୍ଲା ଧୌଗାଓଁ ନିକଟରେ ଦୁଇଟି ଯାତ୍ରୀବାହୀ ବସ୍ ମଧ୍ୟରେ ଧକ୍କା ହେବା ଫଳରେ ଅତି କମରେ ଜଣଙ୍କର ମୃତ୍ୟୁ  ଘଟିଥିବା ବେଳେ ଅନ୍ୟ 10 ଜଣ ଗୁରୁତର ଆହତ ହୋଇଛନ୍ତି।

ପ୍ରାରମ୍ଭିକ ରିପୋର୍ଟ ଅନୁଯାଇ , ହିନ୍ଦୁସ୍ତାନ ପେଟ୍ରୋଲ ପମ୍ପରୁ କିଛି ମିଟର ଦୂରରେ ଘଟିଥିବା ସଡ଼କ ଦୁର୍ଘଟଣାରେ ଗୋଟିଏ ବସ୍ ଡ୍ରାଇଭରଙ୍କ ମୃତ୍ୟୁ ଘଟିଛି। ମୃତକଙ୍କ ନାମ ବାଳକୃଷ୍ଣ ଗୌଡ଼ ବୋଲି ଚିହ୍ନଟ କରାଯାଇଛି। ଭୁବନେଶ୍ୱରରୁ ମଲକାନଗିରି ଯାଉଥିବା ଦିଲଖୁସ୍ ବସ୍ ଡ୍ରାଇଭର ଥିଲେ ବାଳକୃଷ୍ଣ।

ଆସ୍କା ପାର୍ଶ୍ୱରୁ ଆସୁଥିବା ଅନ୍ୟ ଏକ ବସ୍ ସହିତ ବସ୍ ମୁହାଁମୁହିଁ ଧକ୍କା ହୋଇଥିଲା ବୋଲି କୁହାଯାଉଛି। ଦୁର୍ଘଟଣା ପଛର ପ୍ରକୃତ କାରଣ ତୁରନ୍ତ ଜଣାପଡ଼ି ନାହିଁ।

ଦୁର୍ଘଟଣା ପରେ ପୋଲିସ ଏବଂ ଓଡ଼ିଶା ଅଗ୍ନିଶମ ବିଭାଗର କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ। ଗୁରୁତର ଆହତ ହୋଇଥିବା ସମସ୍ତ ଯାତ୍ରୀଙ୍କୁ ବ୍ରହ୍ମପୁର ଏବଂ ଆସ୍କା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।

"ରାତ୍ରିଭୋଜନ ପରେ, ଆମ ଭିତରୁ ଅଧିକାଂଶ ବସ୍ ରେ ଶୋଇଥିବା ବେଳେ ଆମେ ଏକ ବଡ଼ ଶବ୍ଦ ଶୁଣିଲୁ। ଆମେ କିଛି ବୁଝିବା ପୂର୍ବରୁ, ଅନେକ ଲୋକଙ୍କୁ ସାହାଯ୍ୟ  ପାଇଁ ଚିତ୍କାର କରୁଥିବାର ଦେଖିଲୁ। ପ୍ରାୟ  8 ରୁ 10 ଜଣ ଆହତ ହୋଇଛନ୍ତି ବୋଲି ଜଣେ ଯାତ୍ରୀ କହିଛନ୍ତି।

ଅନ୍ୟ ଜଣେ ବ୍ୟକ୍ତି କହିଛନ୍ତି, "ଦୁର୍ଘଟଣାରେ ବସ୍ ଡ୍ରାଇଭରଙ୍କ ମୃତ୍ୟୁ ଘଟିଛି। ଆମେ ପୋଲିସକୁ ଡାକିଥିଲୁ ଏବଂ ତୁରନ୍ତ ଏକ ଦଳ ସେଠାରେ ପହଞ୍ଚି ଉଦ୍ଧାର କାର୍ଯ୍ୟ  ଆରମ୍ଭ କରିଥିଲେ।

ଦୁତୀୟ ବସ୍ ଡ୍ରାଇଭର ମଦ୍ୟପାନ କରି ଗାଡ଼ି ଚଳାଉଥିବା ଅଭିଯୋଗ ହୋଇଛି। ତେବେ, ଏକ ବିସ୍ତୃତ ତଦନ୍ତ ଦୁର୍ଘଟଣାର ପ୍ରକୃତ କାରଣ ଉପରେ ଆଲୋକପାତ କରିପାରିବ।